【外國人睇風水】玄學家麥玲玲日前出席TVB電競節目露營。電競，或簡稱打機，看似與玄學無關，但似乎又有關聯。麥玲玲在接受《香港01》訪問時表示，除了技術上，玄學上也可分析一二：「比賽都係講運嘅，呢個運包括當日對自己有冇利，包括隊伍着衫顏色、隊友生日、方位、對家命盤，我哋都喺呢方面研究吓。」

就好似「攻打四方城」一樣？麥玲玲回答：「係啦！嚟到呢啲比賽，大家技術都唔錯，不過開頭節目組淨係畀晒佢哋生日日期，但係我發現佢哋嚟自世界唔同地方，所以計起嚟都唔容易。可以講吓打機嘅時候，屋企擺設有咩幫助，或者嗰日咩生肖有利。」

麥玲玲又提到，其實外國人也知道風水學一說，不少外國公司在香港設立公司時，也會搵麥玲玲指點一二及睇辦公室風水：「好多外國人嚟香港開公司，或者做投行，都會好緊張呢樣嘢，會入鄉隨俗。佢哋可能唔識，但係老闆同事覺得都係睇睇好，所以我哋早期有好多大嘅客戶。」