現年63歲梁朝偉憑精湛的演技獲獎無數，成功打入荷里活，不僅是香港影壇傳奇人物，更是亞洲演員在國際影壇的代表。貴為國際影帝，梁朝偉與太太劉嘉玲生活低調，常被拍到在山頂跑步，日前他驚現澳門睇跑車，一身貼地打扮與跑車成鮮明對比。

梁朝偉日前被網民目擊到在澳門永利皇宮參觀奢華車展。梁朝偉簡單打扮，上下身全黑色，孭了一個斜孭袋，戴上墨鏡，完美融入人群，不仔細看根本看不出是梁朝偉。梁朝偉似乎獨自一人行去睇跑車，他打開車門睇內籠，似乎對新車相當有興趣。梁朝偉身家豐厚，2017年曾經用300萬買開篷Benz跑車送給自己做生日禮物，但卻不常揸，鍾情揸超過15年的過百萬黑色Range Rover Sport出入。