鄭爽消失2個月終現身美國爭撫養權 承認曾諮詢關於流產等問題

撰文:洪曉璇
出版:更新:
鄭爽事業停滯。(微博@女兒們的戀愛)
鄭爽封殺前最後錄製中的綜藝節目。(VCG)

內地女星鄭爽年初被爆出同前男友張恒於美國搵代孕產子,及後傳出棄養醜聞震驚娛樂圈,及後被當局點名列為「劣跡藝人」全面封殺,演藝事業一鋪清袋。消失2個月後,鄭爽終於再現身,22號佢喺美國露面,為同張恒爭小朋友扶養權官司出庭作供,席間更透露搵代孕原因及未來工作規劃。

鄭爽被爆同前男友張恒在美國找代孕。(影片截圖)

鄭爽喺庭上表示,2018年開始同張恒討論搵代孕一事,鄭爽指自己為工作節食導致心臟唔好,怕懷孕會有風險,最終二人共同決定搵加州代孕機構,搵代母生下兒子Lucas及女兒Luna。但隔年9月鄭爽發現張恒手機出軌證據因此決定分手。

鄭爽恐難復出。(微博@女兒們的戀愛)

據《新浪娛樂》報道,鄭爽被法官問到分手後係咪有諗過要代孕媽媽人工流產,佢表示因為當時無法確定畀唔畀到幸福美滿成長環境畀一對小朋友,的確有諮詢關於流產、送養領養及停止代孕等問題,但情緒穩定後並無要求人工流產。鄭爽亦透露自己暫時會留喺美國,有6個月簽證,暫未有演藝計劃,希望先全力爭取小朋友扶養權。下一次開庭將在當地時間4月6日上午9點。

+18