現年54歲的馬浚偉自上任新城CEO後，就向各大唱片公司伸出橄欖枝，據指已與「華納唱片」成功破冰，所以在今（29日）於馬鞍山舉行的《新城勁爆頒獎禮2025》中，就有「華納」旗下歌手Kiri T 、Dear Jane 出席。

在接受媒體訪問時，提到有指公司與新城成功破冰一事，Dear Jane 的Tim(黃天翱)就表示：「我都係同大家一樣，聽過有呢件事。（頒獎禮大家都會出席？）會呀！（你哋本身識唔識馬浚偉㗎？）喺電視有見過佢。（對於破冰，可多啲喺唔同平台亮相喎）如果真係有冰而又破咗，咁都幾好呀！（對攞咩獎項有信心？）我覺得新城永遠佢哋個態度都係大家有個鼓勵，大家都開心，所以我覺得冇所謂，嚟得新城呢個頒獎禮大家都開心。」而問到屆時是不是全公司旗下的歌手會出席頒獎禮時，Kiri T 就表示：「我諗今日喺度嘅都應該會去嘅。」