警方因應JPEX案於近日已起訴16人，涉案人士包括知名網紅林作。林作等被告人今早由警車押送到東區法院提堂，案件正式進入司法程序。而他女友裕美今早亦有現身法院，不過焦點卻被其他傳媒登出的一張相搶去，事關那相影得裕美十分「醜樣」，她本人亦忍不住在社交平台炮轟該傳媒。

面對這張「醜照」，裕美在社交平台上寫道：「你哋WhatsApp話一早就係度等，希望我停底俾你影幾張相，見你哋都辛苦了，我配合。你他媽的揀張這麼醜的相，你哋下次msg我有任何要求我不再配合，係咁先。」

裕美今早抵達法庭受訪時表示：「成晚有瞓過，因為平時朝早6點先瞓，對案件都好樂觀，同埋一直我都接觸唔到佢。（失聯咗幾耐？）我諗冇24小時，（佢被捕你唔知情？）我唔知情，因為佢去報道嘅時候就冇返過嚟。（佢幾點去報到？）其實我唔知，我瞓緊覺。（屋企人擔唔擔心？）佢媽媽實擔心，我有叫佢媽媽唔使擔心，有我喺度一切都會安排好。」