62歲的章小蕙早前在訪談中談及與前夫鍾鎮濤（B哥）的往事，當中提到自己後悔嫁給鍾鎮濤，又暗示被剝奪與子女相見的權利。訪談內容在內地引起廣泛討論。

鍾鎮濤表示未了解

今日（16/1）鍾鎮濤為TVB慈善節目錄影採排，他接受《香港01》訪問時被問到有關章小蕙的訪談，則表示沒有睇過，並說：「我冇睇到，我諗我都係唔好講，知道（了解）吓先啦，知道係發生咩事先。」

前夫鍾鎮濤拒回應：呢啲真實性又唔知

會否覺得她的言論不合適？他回答：「已經真係30年嘅事。」冷笑了兩聲後，又說：「即係，我就話咗唔講，冇乜講。（怕唔怕影響子女？）我真係唔知發生咩事。」記者提到，章小蕙在訪談中曾言有一次聖誕節，本來訂枱想與子女一起過，但最終找不到孩子，電話也沒接通。鍾鎮濤回應：「我真係唔想睇，呢段嘢。你叫我講，但係呢啲真實性又唔知，哈哈哈。（即係你未知真定假？）因為係佢講，又唔係我講㗎嘛，咁你問我，我都唔知係咩。佢話之嘛。」