森美和莊子璇前日（21/1）現身電視城出席無綫節目《愛心改造家》記者會。對於近期在網上瘋傳古佩玲學生時期MV《Dreamer》片段及中學舊照，片中她臉型較闊、鼻樑扁平，與現時精緻五官變得面目全非，捲起網上熱話。

由肥仔變成型男的森美接受《香港01》訪問時表示：「我睇返五年前嗰啲相，我自己唔開心啦，嘅年紀大咗，而我塊面又鬆咗，都真係唔同咗。古佩玲係點我就唔知，純粹我自己啊，我覺得做我哋呢一行，做少少嘅醫美喺系呢個時代係一件好普通嘅事 ，但係醫美嘅改變都好大，譬如你去做吓機，修下個面狹，跟住之後令啲皮膚緊致啲，尤其是我呢個年紀，所以都係好平常。」

莊子璇表示：「其實我都有做機，成塊面做完，係成塊面摵起咗，其實自己都接受醫美呢樣嘢，始終我覺得真係唔同，我覺得就算唔係做我哋呢行，出邊嗰啲貪靚啲嘅女仔，又或者男仔，都會好多都有做，所以真係唔同，最緊要自己開心好。」