《東張女神》鄧凱文今日（23/1）現身電視城古裝街出席《丙午年吉星高照年初一》錄影。鄧凱文接受《香港01》訪問時表示：「今次係我第一次做MC真係好開心，多謝公司監製俾機會我去做呢一個MC，亦係一個非常之新嘅嘗試，同埋有好多前輩喺度可以跟佢哋學習。」

提到要同阿姐汪明荃做主持會否有壓力？鄧凱文表示：「其實阿姐係好好人，係因為頭先喺服裝間見到阿姐，阿姐問我係咪都去古裝街，我話係呀，然後阿姐就叫埋我一齊上車過去古裝街，我覺得好weet，阿姐真係好好人，佢可能驚凍親我，所以叫埋我上車。」

鄧凱文續指每年過新年都會穿新衣及新內衣褲：「我覺得年初一一定要紅啦 ，因為大紅大紫嘛，而每一年都會買定同埋都會有啲存貨，因為新年著新衫係好事，同埋最重要係行花市，去行個大運。」