資深藝人許紹雄（Benz雄）於去年10月28日凌晨，因癌症引發器官多重機能衰竭安詳離世，終年76歲。許紹雄的女兒許惠菁（Charmaine）對於爸爸離世都十分不捨，今日（5日）是許紹雄離世百日的日子，許惠菁在社交平台分享兒時合照悼念：「100日了… 還是萬般不捨，願你一切安好。」

許紹雄女兒許惠菁難掩傷痛

自許紹雄離世後，許惠菁曾多次發文悼念，又直言終日以淚洗面。上個月中許惠菁出席活動時，提及父親都難掩傷痛：「發夢見過佢幾次嘅，但好多時都比較模糊，冇咩特別，但我好希望佢多啲同我講嘢，雖然佢冇同我講嘢，但佢畀我嘅感覺佢係開心同搞笑嘅，同平時一樣嘅。咁所以希望佢而家都開開心心。」她更坦言有時難免觸景傷情，不禁落淚：「可能因為行過唔知邊度見到之前同爹哋一齊做過嘅嘢啦 ，或者有啲嘢係爹哋中意食嘅嘢，好難避免唔到，會勾起爹哋一齊嘅回憶，情緒就會嚟了，但就會盡量控制自己。」