漢洋和小V(范明熙）齊齊現身旺角出席活動。提到小V未簽新唱片公司，問漢洋會否簽小V為旗下歌手，漢洋接受《香港01》訪問時笑言：「唔使，其實我哋咁熟，我覺得又唔使下下要簽合約嗰啲。」小V接著說：「唔會覺得因為冇合約會冇安全感，因為我知佢好幫我嘅。」

漢洋爆寫歌被拒

漢洋訪問中透露，自己好欣賞范明熙的唱功，曾經為她度身訂造四隻歌，滿心期待合作，但全部demo都被小V彈回，笑言「4首都彈晒」他形容這個過程好有趣：「佢聽咗成年」小V急忙補鑊：「其實我仲聽緊，因為我知佢好忙，所以未有時間上去錄音室。」漢陽緊接說：「咩邏輯嚟㗎，我幫佢寫咗4隻歌，跟住又話我好忙，佢呢啲係神邏輯嚟。」

范明熙回應合作

不過小V對漢洋的好意好感激，回應話好期待同漢洋合作，無論唱歌定演戲都願意全力以赴。她出道以來，一直獲漢洋等前輩支持，新歌發布會上漢洋都親身出席撐場。