現年75歲的資深藝人李龍基，早前親口證實與拍拖14年的細36年未婚妻王青霞（Chris）正式分手，震撼全城。面對女方被爆在內地早已婚及有兒子，他一度哽咽落淚，坦言「我係第三者了」，為這段備受關注的「爺孫戀」正式畫上句號。

強調學會放下

李龍基今日（6/3）現身梨木樹出席《馬到福到新春銀齡音樂會》，接受《香港01》訪問時透露，現時雙方仍有聯絡：「其實都係朋友之間嘅聯絡，有時候佢間中都有回覆我嘅，就唔係好似以前咁一call佢就即覆，不過都冇乜所謂啦，再見亦是朋友，好多嘢都接受咗。」

覺得有隔膜

被問對方近況？李龍基表示：「其實我都唔係太清楚，因為我都唔係好想牽涉到人哋嘅生活。（新年有冇send短訊俾你？）都有。佢有講啲祝賀說話，不過個個朋友都係咁㗎啦。（會唔會約對方出嚟食飯見面？）都係唔好啦，始終有啲隔膜。」