游嘉欣近年回歸劇組，參加《魔音女團》在直播中的表現更引起一陣討論。入行初期游嘉欣主打後生女，清純形象，近年她積極修身，摵甩baby fat之餘更密密做gym練大隻！

游嘉欣大騷「老鼠仔」

日前游嘉欣在社交平台Instagram上分享挑戰「plank challenge」的短片，隨着音樂節奏，她與教練朋友一齊做出平板撑訓練的動作，一口氣連貫性地做出各種動作，相當誇張！完成之後，更向鏡頭大騷自己的「老鼠仔」。

帖文中，她寫道：「Plank唔難，同步跟beat先難，重複做咗45分鐘，夜晚開始腹肌痛。」不少網民大表佩服，有網民留言：「估唔到你咁fit，呢set嘢真係幾難下」。