鄭俊弘與何雁詩早前趁着假期，帶同患有「天使綜合症」的3歲兒子Asher出遊，何雁詩上載了一段Asher在飛機上的影片，可見Asher在飛機上表現得相當興奮，不但面帶燦爛笑容，更不時伸手拍打前方座椅及發出叫聲，引發部分網民討論。

影片曝光後引來網民公審

有人留言批評：「雖然明白小朋友係生病，但係拍凳同大聲叫真係好擾民」、「公共交通工具唔應該咁縱容」，更有網民直指會影響其他旅客的飛行體驗，認為作為公眾人物應更注意兒子的行為控制。

鄭俊弘望外界體諒

鄭俊弘今晚（14/3）現身新蒲崗出席保良局齋宴，他在接受《香港01》訪問時表示理解公眾意見，但盼望大家體諒：「其實換轉佢哋，睇到小朋友咁拍，我都會覺得好滋擾。咁所以我哋訂機位之前，都安排咗婆婆坐前邊，同埋之前搭飛機嘅時候，都專登話畀周邊乘客知道，我個仔有天使綜合症，話畀大家知佢有時候會大聲叫，又或者會喊，希望大家多多包涵，多啲體諒。」訪問中，他亦提及兒子今日於幼稚園運動會獲得獎牌，雖因工作未能陪伴，但太太亦有透過影片分享喜悅，展現父子溫情。