莊易羚今日（27/3）現身將軍澳電視城，為無綫節目《警聲百二秒III》拍攝新一集內容。她以俐落乾淨的形象亮相，神情專注投入拍攝。節目以提升市民防騙及防罪意識為宗旨，莊易羚亦藉此次拍攝呼籲大眾保持警覺，遠離網絡陷阱。

詐騙手法層出不窮

莊易羚接受《香港01》訪問時表示，近年詐騙手法層出不窮，不論是針對個人資料、投資陷阱，還是假冒親友求助的騙案，都愈來愈難分真假。她坦言曾經收過騙徒來電指郵件被扣押要付款，差點中招：「記得有次開緊工做緊嘢好忙，突然收到個電話，話我件貨過關嘅時候被扣起咗，當時嗰吓我係信咗，因為我真係有訂到貨。」

千祈不要心急

莊易羚準備聽從騙徒指示前，突然靈機一觸翻查平台訂單資料，發現貨件仍未到達關口：「好在嗰吓冇心急到，如果唔係真係會中伏，所以奉勸大家千祈唔好心急，一定要提高警惕。」