黃美棋（Meiki）自出道以來以健康性感形象深得觀眾喜愛，近年婚後生活穩定，常在社交平台分享生活點滴，無論休閒Look或出席活動的時尚造型，都盡顯她火辣好身材。不過，原來這位擁有亮眼曲線的索人妻，私下也有「被管束」的一面！

黃美棋被老公嫌肥

黃美棋今日（28/3）現身尖沙咀出席揭幕典禮，她在接受《香港01》訪問時說：「而家放鬆咗，不過今日佢（老公鍾健威）竟然同我講話我肥咗啲，因為嚟緊夏天，佢成日都會提醒我，自己要節制一吓。（佢對你身形有要求？）因為我成日都有話佢，不過佢呢排都好勤力做運動，而我就冇佢咁勤力。」

陪老公打Golf變苦差

黃美棋又指日前陪老公打高爾夫球，負責做對方的球童，過程相當辛苦：「我係行足 15K，第二日我條腰好似就快斷一樣，但佢好似冇事咁，變咗我就覺得我同佢嘅距離有啲遠，我就開始擔心，因為見佢咁fit，變咗我都要再做多啲運動。」