TVB經典處境喜劇《皆大歡喜》陪伴不少觀眾成長，今日（28/3）薛家燕在新城知訊台主持的節目《開心大派對》中就邀請到昔日拍檔謝天華擔任嘉賓，二人久違重聚令聽眾及粉絲大呼感動，現場氣氛滿載笑聲與回憶。

薛家燕搞笑回憶60年騷「被抱起」趣事

薛家燕接受《香港01》訪問時笑言，期待再開演唱會可再一次邀請謝天華做嘉賓，更反問謝天華「夠唔夠力抱起我？」謝天華即快口拒絕「你搵第二個啦」，薛家燕續說：「記得嗰次從影60年演唱會，有一Part同佢跳拉丁舞，係跳得好勁，最後嗰吓佢係抱起我，佢即刻嘩一聲。其實抱起嗰吓唔緊要呀，係要等個升降台降落去嗰吓先難，哈哈！其實我喺嗰個騷之前食少咗好多嘢。」

謝天華自爆無人敢接工作　自認「頂硬上」

謝天華笑言：「我知，係輕咗幾克咁樣囉。條腰好彩冇事，但係我想講係成個娛樂圈冇人敢接呢份工作，係得我敢接嘅啫，不過嗰次演出係好成功嘅，當時掌聲係好多嘅，同埋我知現場好多人叫天華頂先呀。」