74歲施明今日傳出死訊，年前因意外頭部重創，更需要接受開腦手術，之後在家休養，但今日有傳媒報導，施明日前突然病情告急，最終因肺炎離世，而3年前施明跌傷頭部入院，消息懷疑有人「放料」，令細仔李泳豪相當不滿，當時他接受《香港01》訪問時說：
「由始至終知道咩事，結婚又係咁，我不嬲都唔會高調講家事，冇人想畀人知道屋企人做手術，家人亦有共識唔會講出去。其實媽媽因咩事入院係佢嘅私隱，等佢好番佢自己想講就講，我同鼎爺都係唔會將家事四處張揚嘅人。（李泳漢？) 呢啲你問番佢好啲。」

李泳豪當時與哥哥關係一般，他當時表示「冇話好與壞，不過大家就冇乜溝通，我同佢各自都有家庭，佢又要照顧三個小朋友，我又啱啱結婚又要處理食店嘅工作，所以大家都冇乜機會見面。」而他與媽媽關係一直冇嘢，他說：「之前都交代過媽媽唔出席婚禮係因為身體唔太好，母子有共識，唔明點解有啲人攞嚟做新聞。」

當時施明重傷入院，李泳豪被指仍開心與太太出席活動，他亦有為事件解釋，「因為知道媽媽情況穩定，我係唔會將家事周圍講嘅人，而且應承咗出席活動都要守承諾。」