昨日頭場自爆聲帶不適的古巨基，今晚依舊為公司群星騷表演，不過今晚多了四位新晉歌手曾傲棐、洪助昇、黃明德、黎展峯幫手。

聲帶發炎未癒　自爆晨早咳出血絲

基仔強忍不適，一口唱完17首歌的Medley。之後他一把沙聲地跟觀眾交代病情，基仔表示聲帶發炎好幾日，台下觀眾歡呼為他打氣。基仔續言昨日食類固醇就開聲爆咗一下，然後今早起身咳咗啲分泌物出嚟，裡面有血絲，他馬上打電話給醫生，對方說有機會聲帶受損，叮囑他諗清楚，所以他今日特別找來四位新晉歌手幫手。

四位新晉歌手義氣救場

基仔逐一講出四位後輩的名字，衷心感謝他們，：「真係好感謝佢哋，因為今日下晝先同佢哋講要幫手，佢哋義無反顧就應承咗，仲特意為我練咗呢首《勁金K歌》。」基仔再次向觀眾抱歉，未能發揮最佳，並即場許下承諾，會將這個Medley入錄音室錄個正式版本送俾大家。最後基仔以《愛與誠》完成自己演出部分，期間更全場大合唱，場面震撼！