一連三晚的《農夫全香港最好笑嘅演唱會》今晚（8日）在紅館舉行，演唱會歌單中必有《風山水起》，客席「Rapper」麥玲玲現身與農夫Jam歌，今次更換了全新歌詞，將全晚氣氛推向高潮，歌詞本來係農夫填嘅，因為想營造麥玲玲是Rap of Queen，找了兩個rapper分別是Novel Fergus、Pet Pet Shawn同師傅battle，初版嘅歌詞都寫得幾狠，但麥玲玲想温和一點，於是出手填過歌詞，特別是rap那幾段改為「 C君好難忍 咁樣都結到婚 ⋯⋯嫁俾你嘅人 直頭菩薩化身」，麥玲玲因應這個演出，有特別的裝束同駁髮造型。
麥玲玲同張繼聰都是做足3場的長駐嘉賓，另外，今次演唱會師傅買了二百幾張票，因為好多朋友想睇，成身票債，一票難求！