現年32歲的落選港姐蔡嘉欣（Kayan），自2023年與圈外富貴男友Derek結婚後，過着幸福少奶奶的生活。今年情人節，蔡嘉欣宣布造人成功，早前順利誕下兒子Theo，一家三口展開新生活！榮升新手媽媽的蔡嘉欣近日不時分享由懷孕到生產的過程及BB的得意相，雖然仍在坐月期間，但她已經扮靚靚出街，不少網民都大讚她極速修身，完全看不出剛剛生完BB，不過原來蔡嘉欣仍未修身成功，日前她更公開真實身材！

蔡嘉欣坐月期間出街　大方公開產後超真實身材

蔡嘉欣在社交平台分享OOTD，並寫道：「著鬆身少少的衫，大家以為我未出月已經極速瘦返，事實的真相係我個肚仲好猛烈呀🙈大家都話坐月唔好減肥，我日日都食飯又飲湯，養好身子先，遲D坐完月再努力啦！」相中所見，身穿恤衫襯牛仔褲的蔡嘉欣身形十分Fit，不過之後她就公開「真相」：「我前幾日食飽放鬆坐低時，看到我個肚仔都笑咗~自己都震驚~而家難得咁猛烈當然自拍下留念呀！生完頭2星期係彭彭聲跌咗20磅，但我而家係仲有十幾磅先回到過去的，唔急，慢慢嚟啦！」相中一身居家Look的她腹部明顯隆起，產後超真實身材令人驚訝！

蔡嘉欣產後數日現身撐好姊妹譚嘉儀誕雙胞胎

蔡嘉欣在6月12日宣布順利誕子，但產後短短數日，她就親身到醫院為好姊妹譚嘉儀（Vivi Tam）生B打氣，又去探望初生雙胞胎，正在坐月休養的她，當時腹部只是微微隆起，身形纖瘦，完全不像剛生完B，令網民都相當驚訝！