近日懲教署推出AI禁毒女團，雖然影片火速下架，但成功引起網民熱烈討論，話題性十足。當中象徵大麻的成員「草草」更被指撞樣前港姐亞軍陳楨怡，甚至有網民笑言：「根本就是用陳楨怡來gen出來。」陳楨怡日前出席樂易玲生日會時，被問起此事都大讚網民有創意，笑言：「本身我都唔覺得似，但係啲網民好有創意，send咗好多AI合成嘅相就話兩姊妹，咁我就覺得『幾時影過呢啲相』，睇睇吓好似越來越洗腦。」

不過陳楨怡表示覺得自己跟草草不太似樣：「我自己真係唔覺似。（係咪話你靚到AI咁？）咁梗係好開心，多謝網民。」問到有無因被惡搞而不開心？陳楨怡豁達表示不會，而近日她索性畫「草草」仿妝Cosplay對方，她先換上綠色貼身裙，再以淺藍、黃、綠色眼影化了精緻眼妝，高度還原草草。網民留言：「你靚好多❤️」、「唔洗化都已經好似 去淘寶訂造件衫就一模一樣😂😂😂」、「真人草草勁靚😍」另外也有網民笑說，想聽陳楨怡以AI生硬語氣講出草草對白：「浪漫嘅煙圈，一支幫你忘記晒所有煩惱，好chill。」