梁敏巧是Chiikawa fans，當中最喜愛的便是兔兔Usagi！近日她身穿Usagi睡衣，拍片直擊家中的「Usagi樂園」，並挑選出10件最愛的Usagi單品，包括公仔、橡筋、鎖匙扣、化妝品、餐具等等，講得非常興起，而去到片尾她介紹其中兩隻公仔時，就說：「最尾呢就係翻版嘅Usagi！唔好問我邊度得返嚟，總之就係好得意啦！」

不過有網民就批評她理直氣壯用翻版的行為，指真正喜愛Usagi的人不應該支持翻版，尤其作為公眾人物，更應尊重知識產權，留言：「瘋狂fans但係買假嘢？😭」、「Chii fans表示 唔會買假野 / 冇授權product.. 作者Nagano老師表明過🥲」、「真係fans 既唔建議買二創同翻版，買左都細細聲算，唔好拍片比人睇啦」「鐘意佢就支持正版💪其實拖鞋有正版 nikoniko.hk 已經有賣，唔好再買翻版啦🥺真粉絲一睇就知邊啲係正版邊啲係老翻」有網民就為梁敏巧護航，指不一定是她本人買翻版，有可能是朋友送，或是玩遊戲、夾公仔等贏回來的獎品。