以傲人魔鬼身材及甜美外貌火速彈起的「足球女神」鄭杞瑤（Kylie C.），昨日（29日）聯同余德丞（Dickson）及Chloe So齊齊出席足球活動。鄭杞瑤未有吝嗇好身材，著上經特別剪裁的藍白間條球衣，將衫尾綁起大晒白滑小蠻腰，盡顯青春健康性感美，一出場即刻成為全場焦點。

鄭杞瑤接受傳媒訪問時被問到有關拜仁慕尼黑對陣阿士東維拉這場熱身賽，門票突然「插水式」劈價出售及不知名KOL都有免費門票，以致真球迷「捱貴飛」，作為足球主持的她表示：「冇留意！因為我自己本身都要做嘢，本身要主持，所以就冇留意。（會唔會睇呢場？）因為我要主持呢場波，所以都會睇。」