衛詩雅早前拍攝劇集《狩謊》期間發生意外，不幸被玻璃碎片割傷左上唇，傷口涉及皮膚及唇紅部位，及致有一條血管斷裂與肌肉撕裂，當時出血量較多，屬於全層撕裂創傷，需即時接受縫針手術，傷口總共縫合了50多針。

今日衛詩雅出席北京白花頒獎禮，見到她上唇位置貼上膠布，不過整體看來已恢復得七七八八，依然keep到靚樣，相信各位粉絲可以放心。

除了相片，衛詩雅亦有講幾句報平安：「係全面復工，但係傷口未好返晒，因為啱啱拆線，所以呢幾日暫時面頭都唔可以化妝，傷口個位唔化得妝，需要戒口，好多深色嘅嘢盡量唔食。講嘢唔可以太大動作，正常講嘢都可以，但唔可以大笑。一定會有少少疤痕，但慢慢會做唔同嘅療程，好彩有我老公可以幫我跟進之後嘅療程。」