早前曾因廣東話發音及咬字問題而飽受網民及外界批判的吳亦偉，今晚在決賽中挑戰張敬軒的《酷愛》，除了獲得92分高分外，更獲得評審極高評價。

吳亦偉挑戰高難度《酷愛》

演唱後，車婉婉透露直言當她最初看到歌單時感到非常驚訝，忍不住向吳亦偉表示：「我真係好想講，我睇到歌單嘅時候，我睇到你要唱《酷愛》，你知唔知最近你畀人罵得要命你嘅廣東話？挑戰一首咁多字？」對此，吳亦偉直言：「我知道。但是因為我覺得我要尊重粵語，我要尊重這個文化。而且我……我不知道我還有沒有機會可以來啟德唱，但是難得我可以來到啟德，我一定要唱一首粵語歌送給大家。」這番發自內心的言論即時贏得全場觀眾極為熱烈的掌聲。車婉婉感嘆道：「好感謝你，咁尊重我哋呢個節目，同埋我哋嘅語言。我哋唔介意唔識講嘅言語，佢嘅願望係佢唱廣東歌大家唔使追字幕，我啱先睇到，佢做到了！」

評審極讚

隨後大螢幕公布分數，吳亦偉憑藉出色的表現勇奪92分的高分。評審海兒對其演出給予高度評價，大讚道：「亦偉，哇！呢首歌呢真係出咗名係超難唱嘅一首廣東話歌，我覺得你挑戰係成功！嗰啲長氣嘅氣息控制啊，同埋情感嘅爆發，都做得非常之好，同埋好有自己風格，恭喜你！」

另一位評審張佳添亦對吳亦偉的音樂才華與態度表示肯定：「亦偉，毋庸置疑你係一個好全能嘅音樂人，而我亦都好欣賞你嘅體育精神，呢度我真係要畀啲掌聲你。不過，呢隻歌喺我心目中佢唔算係一隻慢歌，佢本身極其量係一隻中板偏快，雖然你拖慢咗嚟唱，但都係一隻極其有Rock Ballad，我……我覺得有少少喺呢度我會扣少少分嘅。不過，你嘅張力好犀利，你呢個能量好犀利，啲高音係完全穿透咗我心，所以我分數唔會低。恭喜你！」