古天樂早前舉行演唱會，其中一個最震撼全城的亮點，莫過於邀請到殿堂級阿姐汪明荃（Liza姐）擔任表演嘉賓，兩人破天荒同台演出掀起極大迴響。今日（5/9）汪明荃現身出席《戲劇大師鍾景輝紀念展覽》揭幕禮時，接受《香港01》訪問，親自解構答應做嘉賓背後的原因。

被問到為何會答應今次演出，Liza姐笑言其實也是為了配合對方：「記得有一次就係TVB 28週年，都成30幾年前，當時有28個猛男同我跳舞，而古天樂就係其中一個dancer囉！」

Liza姐更踢爆，今次合作其實是古天樂的主意：「咁係佢自己好想我應承佢做一part咁樣，等佢回憶吓佢以前，咁嗰日大家都玩得好開心嘅。」

被問到最終見到姜濤本人有何感覺？Liza姐表示：「記得我去到，姜濤啱啱喺度綵排，咁我話不如俾我見吓佢個真樣啊，同埋聽佢現場唱成點啦，咁現場唱嗰首歌幾好，因為係慢歌。以往佢哋鍾意唱快歌，一𦧲𦧲𦧲到啲字都唔係好清楚，咁嗰日佢哋唱慢歌我又聽得好清楚。」