無綫（TVB）飲食節目《美食強人》今日（9/10）舉行宣傳活動，李家鼎（鼎爺）與肥媽（Maria Cordero）齊齊現身記者會。早前曾一度消瘦的鼎爺，今日見他精神飽滿、狀態甚佳。兩人接受《香港01》訪問時，肥媽謙稱自己只是「師奶」，稱讚鼎爺才是真正的大廚，鼎爺隨即回應指：「有啲你家庭菜叻啲㗎嘛」。

被問到接拍節目的工作量，身體狀況是否能夠應付時，鼎爺輕鬆表示：「頂到，點會頂唔到啫，唔係，唔係好辛苦啫。」 提到他早前瘦了不少，外界擔心他會過於勞累，鼎爺即大派定心丸說：「都唔會嘅，都唔會嘅，自己知㗎嘛。」 肥媽亦在旁幫口指公司不會安排太辛苦的工作，當被問到會否一天拍攝十多個小時，肥媽指應該不會：「佢都唔肯啦」。

此外，鼎爺兒子李泳豪早前在有心人協助下，成功尋回母親施明的骨灰位。當問及尋回靈位後是否感到安心時，鼎爺即避談，並連聲拒絕回應：「唔好問啦嗰啲，唔好問啦好冇，嗰啲唔好問啦好冇。」 身旁的肥媽見狀即時為拍檔解圍表示：「唔好問佢啦」、「家事唔好問啦」。