影帝梁朝偉向來是圈中著名的「隱世車迷」，私下收藏多部夢幻名車。日前梁朝偉被捕捉到現身跑馬地名車展廳睇車，目標正是今年剛剛抵港的新版超跑Aston Martin Vantage S（連稅限量優惠價約278萬港元起）。

早年自爆愛揸車原因：坐車會暈車浪

梁朝偉早年前接受訪問時曾透露，自己從小就極之喜愛揸車，更笑言背後有個特別原因：「因為我會暈車浪，所以唔可以坐，只能揸。我真係好享受揸車好自由嘅感覺。」他亦直言自己不會飛車，特別覺得香港地方不大：「圍住香港兜一圈，大概唔使一個鐘，而且一路上會經過海邊、經過樹林、經過山路，我好鍾意揸車兜一個圈，成個人放鬆好多。」

收藏多部稀有神車 曾被捕捉揸千萬993跑山

梁朝偉對跑車的品味極高，近年頻頻被網民及車迷在香港路面上「野生捕獲」。他曾被拍到駕駛全球限量僅25架、價值超過1,200萬港元的「神車」Gunther Werks Porsche 993現身石澳車聚；其後又被拍到換上剛購入的紅色限量版Porsche 911 Speedster遊車河，最近又梁朝偉又駕駛Porsche 911 S/T，全球僅有1963輛，報價$5,669,000起，引起車迷熱議。據報，梁朝偉17年曾以約300萬元購入一架開篷Mercedes-Benz跑車作生日禮物，至於平日代步的車，十多年來都是那部黑色Range Rover Sport。今次梁朝偉親身到展廳細看Aston Martin Vantage S，似乎又想為自家車庫再添新成員。