商台於亞博舉辦的《903 AllStar 籃球賽》昨日（7日）圓滿結束，賽事吸引逾7000名觀眾入場。MIRROR五子姜濤、陳卓賢（Ian）、呂爵安（Edan）、邱士縉（Stanley）及江𤒹生（AK）賽後一同接受傳媒訪問，被對於今次落場的表現，姜濤在最後一球射失，導致最後歌手隊落敗，他即被隊友取笑：「所以你話，即係你射最後一球唔入，就一定係畀人話㗎啦！講到好似佢哋射就一定入咁樣！」

化身解說員陪睇波 落敗向古天樂致歉

除了場上的激烈比拼，姜濤在台下與同場的古天樂互動亦成為焦點。被問及兩人在台下「傾密偈」的內容時，姜濤透露：「因為古生第一次參加呢啲場合嘅好似係，我就會同佢講話嚟緊係咩環節啦咁樣。古生由頭到尾都係一個字，就係想贏咁樣，想我哋贏。」他表示自己主要是在旁擔任「解說員」，不停向對方講解當下正在發生的環節及接下來的節目安排。不過最後歌手隊輸掉比賽，姜濤亦馬上對古生表示：「對唔住古生。」