馬國明指與許志安同場不尷尬 碰面會打招呼:而家同老婆好sweet
《萬千星輝賀台慶》今日(19日)舉行,馬國明與高海寧一起行紅地氈,高海寧身穿大露背連身裙,明艷照人,馬明笑說:「我今日悉心打扮,趁喺高Ling後面,突顯佢係幾咁靚。」講到台慶大抽獎,高Ling指寧願行正財運,但如果中獎、中六合彩當然OK。而馬明自言冇抽獎運,但乘機放閃:「我從來都冇呢啲運,擦紙膠第二個二都冇抽中過,所以我冇中,我已經攞咗人生最大嘅獎,就係我老婆!」
馬國明指與許志安同場不尷尬
另外,講到曾發生「安心事件」的許志安今晚擔任壓軸嘉賓,有網民擔心他與馬明同場,馬明會尷尬,甚至認為他應該避席。馬明就大方回應:「唔會尷尬,點會尷尬?大家都各自有新生活,點會尷尬?同埋今日大家都係嚟慶祝TVB生日,所以唔會尷尬。」指大家已多年冇在工作場合見過,剛才綵排亦沒有碰面,因為自己負責開場,但安仔壓軸,被問碰面會否跟對方打招呼,他表示:「梗係會啦,點會唔say hi?」更強調真的沒必要避忌。有網民回帶二人舊日合作的片段,馬明更笑言:「咁又點呀?冇嘢㗎,以前真係合作過,我真係覺得好小事,我而家同老婆好sweet。」