陳柏宇現身直播宣揚環保 與老婆身體力行教愛女:自己要識得點揀

撰文:劉傳謙
出版:更新:

今晚(27/3)適逢「地球一小時2021」,陳柏宇(Jason)及強尼現身大埔元洲仔參與網上直播,與大眾宣揚環保信息。期間Jason更唱出《哪兒》、《後排慶功宴》及《讚讚自己》,令網上觀眾大爆耳福。

陳柏宇及強尼現身大埔元洲仔,參與「地球一小時」網上直播。(陳順禎攝)

被問到這次選歌上的用意,Jason稱新歌在題材及風格上都不切合活動主題及環境氣氛,因此選擇演繹舊歌:「(選擇)《後排慶功宴》要多謝世界自然基金會(WWF)嘅同事帶出咁多環保嘅資訊,等我哋可以繼續喺地球上生活;《讚讚自己》咪表揚下自己對環保作出實際嘅行動。《哪兒》就係大會安排嘅,佢哋鍾意歌詞入面表達嘅信息。」談起今晚與大提琴手的合作,Jason喜歡在節奏輕快的歌曲上加入大提琴的效果,指日後可在其他現場演出再嘗試。

Jason指自己日常都會在飲食及生活上注重環保,例如關掉不必要的燈,避免使用即棄餐具、飲管、杯蓋等。被問到如何教導女兒Abigail環保信息時,Jason坦言要與老婆符曉薇(Leanne)從身教做起:「暫時都唔會喺佢身上講到『環保』呢個字眼,因為佢要做啲乜,用啲乜,其實都係我哋畀佢用,而唔係佢選擇去用。所以唔係話畀個女聽邊啲唔好用,反而係自己要識得點揀,咁佢嘅選擇自然就係一啲環保嘅選擇。」

Jason現時從身教做起,透過自己選擇協助愛女實踐環保生活。(陳順禎攝)

強尼讚阿妹Hailey主動為環保出力

同場的強尼將環保生活融入興趣,在晚上看電影時關掉家中燈光,既能更快投入劇情,又可以節省電費。他又特別提到同事岑樂怡(阿妹)及陳俞希(Hailey)在拍攝期間身體力行,實踐環保生活:「例如我哋劇組開工,佢會叫我哋唔好攞餐具,仲會帶埋餐具,抹好晒再畀我哋用,用完嘅飯盒仲會清理好之後再攞去回收。一個劇組入面有一、兩個呢啲人就得啦,佢哋會帶動其他人唔好意思唔跟住做。」

強尼讚賞阿妹及Hailey身體力行,令劇組一同避免使用即棄餐具。(陳順禎攝)