相愛25年|單立文胡蓓蔚結婚13周年恩愛如昔:你激下我,我氹下你

撰文:洪曉璇
出版:更新:

2008年3月28日,單立文胡蓓蔚舉行婚禮,眨下眼已經13周年。一直以來豹哥豹嫂都係圈中模範夫妻,呢日佢地分享合照放閃,仲分享感情保鮮方法。

豹哥豹嫂婚前婚後都一樣恩愛!(IG@palsinn)

豹哥豹嫂當年因為音樂而定情,豹嫂接受《香港01》訪問時曾透露係自己作主動:「兩個人互相對對方有意思,你會感覺到嗰種空氣中嘅特殊電波,只係欠一個人開口問,我算係叫做主動行第一步,問佢要唔要開始呢段關係。」1996年拍拖,2008年結婚,不經不覺已經攜手邁向25年。

豹哥豹嫂相視而笑,分享口罩下的浪漫。(IG:@paisleyhu)

結婚13周年呢日,佢地分別貼出同款合照,豹嫂分享二人相處就係:「你激下我,我又激下你,你氹吓我,我又氹下你,咁就13年了!Happy Anniversary Lo Gong 」而豹哥則表示:「佢問我:我地結咗婚幾耐呀? 我:Mmmmmmm 到今日咪係十三年囉!⋯⋯如果我唔記得,你哋估吓我有乜嘢下場?#其實靚仔真係冇罪嘅 #人不Marry枉少年 #十三年前的一個騙局 #其實結婚真係冇事架 #口罩下的浪漫。」

+25