解構心機女 | 馮盈盈自爆西裝男請食飯 送絲巾回禮畀錯Signal人
撰文：邱愛霖
出版：更新：
由藝人馮盈盈、賴慰玲、戴祖儀主持的無綫綜藝節目《解構心機女》，昨晚邀來丁子朗作嘉賓。談到哪位女主持最有機心，丁子朗先篤爆馮盈盈，「佢最有機心，因為賴慰玲係媽媽級，戴祖儀同佢合作拍劇，佢絕對係男人，盈盈係剛剛好，會撩起我同佢傾偈，又保持到女性高貴嗰種。」
丁子朗指馮盈盈最有機心。（影片截圖）
之後眾人討論有原因地送禮物的看法，馮盈盈隨即自爆最近經歷，「之前有男仔約食飯，對方好好訂晒位，都知對方會埋單，禮貌上我就買一條絲巾送畀佢，仲係名牌，因為佢有戴開，之後講畀朋友知，朋友話我畀錯Signal人。」
馮盈盈提起早前被指與西裝男食飯，疑似有新戀情一事。（影片截圖）
戴祖儀即意會到馮盈盈所指的，是早前被指與疑似新歡西裝男撐枱腳，食三千蚊一餐飯一事，並取笑她說：「三千蚊餐飯嘛！但報料者又冇影到送禮物！」馮盈盈反擊，稱最嬲是沒有影到她送絲巾的畫面，「條絲巾貴過餐飯，我嬲咗！」
+19
點擊下圖看更多馮盈盈的相片︰
+32
江嘉敏靚相：
+65