ViuTV五周年︱杜琪峯公然𢯎撈 大導演唔識MIRROR:比我想像中好

撰文:葉詩
出版:更新:

ViuTV自2016年4月6日起啟播,近年製作不少口碑不俗的自家製劇集及實況娛樂節目(綜藝),吸納不少年輕觀眾,更簽入MIRROR、ERROR等潛力藝人,聲勢日漸壯大,周二(6日)舉行《ViuTV 5周年:繼續向前》實行大曬冷,全台藝人傾巢而出,ViuTV董事兼總經理魯庭暉先生率先發言:「希望畀多啲選擇香港觀眾,因為你哋作出選擇,我哋先可以帶來選擇。」他又引述得著名電影導演杜琪峯在ViuTV開台時的寄語:「做節目最緊要有質素、有細節,如果當撈飯就死得,創作人一定要付出最大努力。」

點擊下圖觀看杜琪峯出席活動:

+7

杜琪峯指彷如去了一趟時光隧道,回到1974年自己讀訓練班的時候:「過去5年ViuTV喺電視界闖到出嚟,年青一代好有機會,當然最後壓軸嘅叫Mila(指MIRROR),我都唔知咩叫Mila,比我想像中好,我好少去演唱會,但又覺得(佢哋)幾OK!」

杜Sir又不忘談回電影本業:「年輕一代導師出現咗好多新血,我相信日後會有更多好電影,ViuTV有咁多生力軍,我覺得香港娛樂事業、創意工業好有前途,我梗係唔執輸,就即刻搵魯暉,佢話有位可以一齊合作搞啲嘢,我梗係好高興,如果有得搞即係我有得撈,多謝魯生。」杜Sir一番發言獲全場掌聲,雖未發表更多合作細節,但依然值得觀眾期待。

MIRROR梅窩拍節目遭粉絲跟蹤 花姐飽受批評IG發文親自解畫

姜濤私生飯嚴重到上屋敲門 極端姜糖:捧得紅你都可以踩低你

+48