趙希洛（Candice）今日（6/4）現身將軍澳電視城，連同無綫劇集《大步走》眾藝員，參與「跑友大步走·終極戰」，首次圍繞電視城競跑1.2公里。Candice興奮表示：「而家跑完，情緒都好高漲，因為畀過太陽曬一曬，個人好精神好爽。不過圍住電視城跑呢個路程，畀我預期係好長，起初諗住好簡單，到跑嘅時候有咁多人喺你身邊陪住跑，自不然就會跑快咗。點知跑到去古裝街度開始有啲喘氣，搞到要停落嚟抖順條氣再起步跑返去。」