倪嘉雯殺入《Think Big天地》做主持:最大挑戰係唔知小朋友答咩

撰文:
最後更新日期:

倪嘉雯加入TVB剛好一年,就已經可以主持《Think Big天地》,難怪訪問時多次表示「好開心」。(影片截圖)

倪嘉雯(Carmen)去年4月正式加入無綫後,先後以不同嘅身份客串《開心速遞》正當唔少fans以為倪嘉雯繼續做路人甲之餘,原來佢已經正式入組兒童節目《Think Big天地》,成為主持人之一,並在上星期兒童節播出一集,與高海寧、蔡思貝等人同時亮相。

《THINK BIG 天地》近年被網民喻為「女神訓練營」,倪嘉雯上位有望。(影片截圖)

比起過往唔少加入無綫後,做足幾年路人甲嘅藝人,倪嘉雯可算是上位神速 ,她接受《香港01》訪問時表示由於從未接觸過綜藝節目,所以一開始收到通知時,既緊張又開心:「而家多咗新範疇比我去嘗試,係一件好好好嘅事,同埋聽好多人講都話《THINK BIG》係訓練營,對新人嚟講,無論係口才或望鏡頭都會有好大幫助。」倪嘉雯表示之前曾報讀主持的課程,學習說話技巧,可以極速大派用場,都算係開心事。「同埋之前都睇咗好多兒童節目,覺得最大挑戰係估唔到小朋友會答咩,佢哋好天馬行空,所以自己都希望可以喺啲前輩身上學到對答技巧,同腦筋轉得快啲。」

倪嘉雯感謝《開心速遞》的監製,特地為她這個客串的角色而設計造型。(影片截圖)

倪嘉雯之前不時客串《開心速遞》,如今又做埋主持,她認為自己仲係新人,只要有工作搵上門,都一定唔會推。「你問我鍾意主持定拍劇多啲,我覺得兩者可以並存,因為一個係代入角色去經歷佢嘅生活,一個係考轉數、應對能力,比較做自己。」倪嘉雯又笑言。如果有機會的話,想挑戰做LIVE SHOW以及旅遊節目主持人,前者是因為朋友常笑她的言行十分有趣,而後者則是因為常常看到旅遊節目主持人,發掘隱世景點、美食,感覺十分過癮。

點擊睇倪嘉雯靚相

+32
+32
+32


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。