李國麟爆無綫頒獎禮絕望真相 綠葉王撈足42年:要自己諗定未來!

撰文:
最後更新日期:

無綫萬千星輝頒獎典禮圓滿落幕,賽果當然是有人歡喜有人愁,而賽前已被指是炮灰王的馬國明,一如所料,坐足成晚冷板櫈,而跟他多次合作的李國麟,在倉底劇《流氓皇帝》中,再次跟馬國明有對手戲,而對於好友再次陪跑,李國麟無奈表示「戥佢唔抵?係都戥咗自己唔抵先啦。」

李國麟參演多齣電影,更有份出席澳門國際影展。(微博圖片)

入行42年的李國麟,對於頒獎禮嗤之以鼻,「同馬國明合作咗好多次,佢係好演員、乖演員,話佢無運?佢又套套都做男主角,但講到有無獎,又要睇好多嘢,始終得一個視帝。」李國麟表示明白頒獎禮有好多商業考慮,「做咗咁多年都知道遊戲規則,想攞獎先要入佢哋嘅圈子,咁我又唔鍾意咁做,而且我哋呢啲合約藝員,頒獎禮嘅時候咪擺埋一邊囉。」

61歲的李國麟,身材仍保持得不錯,相當襟撈。(微博圖片)

李國麟對於「親生仔」的潛規則,至今仍憤憤不平,「喺我角度睇,我74年已經入無綫拍嘢,我覺得自己先係親生仔。」在無綫有不少綠葉配角,多年來受盡冷眼,仍選擇留在無綫,只為了心中的一團火,否則很難在圈中生存,李國麟亦承認自己確實喜愛演戲,「拍劇時大家都有一團火,一班同事其實好開心,好有團隊精神,老實講如果用依家嘅努力,出去做其他嘢,人工一定更加好。」

不過李國麟亦坦承近年劇集質素是下降了,皆因無競爭的環境,對演員、觀眾也不是一件好事,「劇集嘅質素係跌咗嘅,點解呢?因為度火減咗,以前有麗的、亞視,對家有啲乜嘢,我哋就要即刻變陣迎戰,依家都無仗打,演員亦得一條路無選擇,為生活都會繼續拍嘅,係枯燥啲㗎啦。」

李國麟在圈中人緣甚佳,劉德華也是其好友之一。(微博圖片)

李國麟不介意無獎攞,可以繼續演自己喜歡的角色,滿足到表演慾,但有時只得一、兩場戲,對於從影多年的李國麟,卻要保持自己的專業身價,試過推劇得罪過人,不夠聽話,久而久之,頒獎禮入場券變成過眼浮雲,「做咗咁多年,出街一定有人認得,但次次都只係記得角色名,真名噏到口唇邊都係講唔出,以前會唔高興,但依家知道咁先係好嘢,公司都無promote到個人,人哋叫得出角色名,即係我演得成功啦。」

 

李國麟不止可演詼諧角色,認真的角色一樣無難度。(微博圖片)

近日無綫被有線幫入主,反而效力了多年的老戲骨,如麥包、李天翔、陳國邦等藝員,相繼被放棄,或轉簽部頭約,李國麟會否覺得公司將藝人用完即棄,相當無情?李國麟苦笑道:「呢個商業社會,只會同股東交代,至於藝人就要自己諗定未來,為自己打算,唔通到入老人院嘅時候,仲要人養呀。」李國麟不怪公司無情,但他早已到內地掘金拍劇,又接拍電影及網絡電影,不用賣無綫帳,講句嘢都大聲啲。

李國麟拍攝內地劇集《狩魔傳》,飾演公安局長。(微博圖片)

李國麟在無綫多年,在台慶頒獎禮也是食白果,反而內地卻有機構頒獎給他。(微博圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。