【開心大綜藝】馮盈盈為余思霆澄清：佢冇同男朋友祼聊
撰文：邱愛霖
出版：更新：
馮盈盈今日以性感造型擔任《開心大綜藝》主持。(劉志源攝)
馮盈盈早前《後生仔傾下偈》重提當年選華姐時，與余思霆同房生活的趣事，表示當時沖涼後余思霆表示玩緊facetime，叫她等一等，令不少網友幻想，以為余思霆同男友玩祼聊，今日她在《開心大綜藝》為好友澄清。
《開心大綜藝》今日首播，馮盈盈除了當主持外，亦要落場玩遊戲。(劉志源攝)
「我想澄清返余詩霆絶對冇同男朋友玩祼聊，當然我同佢選華姐嗰陣就同一間房，兩個女仔都會有玉帛相見嘅時候，係因為大家都太趕時間，要一齊換衫或者沖涼，我見到佢同朋友facetime絶對係有著衫嘅，佢仲好好心提我，因為佢開咗鏡頭，叫我盡量唔好入鏡啫，當然我唔係24小時喺間房都赤祼，好似我換衫呀，沖完涼出嚟攞毛巾、攞衫，佢就會好小心提醒我，不過我就唔會夠膽同男朋友祼聊，或者影啲性感相。」而今日有報導指曾志偉曾邀請姜濤上TVB節目，不過被魯庭暉拒絶，而曾自認姜糖之一的馮盈盈說:「呢啲就交俾公司安排，我呢啲小薯冇可能過問嘅。」