【我不是男神】飛魚王子朱鑑然 退役做古惑仔

撰文:
最後更新日期:

如果要講游水運動員退役做演員,你仲只係記得方力申嘅話就out啦。畢業加拿大哥倫比亞大學兼前香港游泳隊的代表朱鑑然(Kevin),大學時期以模特兒身份入行,在拍攝廣告和微電影的過程中,令他開始對幕前工作有興趣,決定退役後加入演藝圈。前年除了可以參演由林超賢執導的電影《破風》之外,今年更有機會拍攝網劇《無間道》,與一眾前輩級演員對戲!

攝影:符祥定

要從運動員轉型到演員確實唔容易, 而Kevin的父母都無反對,「由小到大父母都好支持我做的東西,他們覺得決定做就要盡心盡力去做。」退役已經三年有多的Kevin,問到他游水和拍戲的作息時間會否感到不習慣,Kevin指,「以前游早水是清晨5:30至7:30,之後就要上學,下午3:30放學之後4:30再訓練。其實那時候與現時的拍攝時間都差不多。」他笑言每逢工作的時間都好精神,放假的時候就比較百無聊賴,明白了自己原來喜歡工作多過放假。曾經擔任節目主持人的Kevin,近年都以拍戲為主,問到鍾意拍戲定主持多一點?他表示,「電影會比較辛苦,因為電影要跟住劇本走,而且個人情緒起伏比較大,但主持就以開心為主。」

Kevin今年就有機會拍攝網劇《無間道》,戲中佢要飾演一名古惑仔。

今年,Kevin有幸與羅嘉良、劉松仁及廖碧兒等一眾前輩級人馬出演網劇《無間道》,他在劇中要飾演一個戇直的古惑仔,「我有參考陳小春山雞,睇下佢演繹方法,其實呢個角色都幾似我本身性格,(有難度?)戇直都無乜難度,幾純熟。」他坦言今次一眾前輩都「袋錢落佢袋」,尤其是劇中飾演他爸爸的劉松仁,「松哥有教我如何在劇本中搵問題,因為劇本上講的自己或者對手每一句對白,都會有一個問題在內。我要問點解,點解角色會咁講和有這個反應。以前睇劇本,可能會睇完之後就簡簡單單講出來。但原來當你找出問題後,就會更瞭解拍攝流程。」

他憶述起第一日入劇組見到一眾前輩的情景,「始終第一日未熟悉整個流程,而且當天與嘉良哥對戲,當中情緒都比較激動。幸好導演、嘉良哥都有教我,好舒服地引導我去投入角色 。」之前做開的角色都是陽光青年,今次大反轉做古惑仔,Kevin就覺得無乜所謂,更笑言人生中有三個必定要飾演的角色「律師、機師、醫生」。

就快踏入28歲的Kevin,當被問到現時的感情生活,他亦相當感慨地話,「做呢行時間都比較難控制,不是每一個人都接受到工作時間太彈性,希望搵到一個接受到嘅女仔,但我知道唔容易。」

感情無着落,自然就會學嘢嚟充實自己,Kevin指現在有練習打拳,希望將來可以拍攝動作片,但最大感激莫過於父母的關心,「媽咪經常問我有無嘢做,好希望我去做嘢。但呢行唔係話有就有,我會同佢講要耐心等候, 媽咪會鼓勵我去進修去增值自己,而爸爸就會叫我早點休息。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。