【奧斯卡有事嗎】郭富城《西遊記》入圍最佳電影初選　硬撼甄子丹

《西遊記》這個故事非常經典，所以不少劇集、電影都翻拍、改編再翻拍，對於香港或者內地的觀眾，可能都睇到悶悶哋，但原來拍《西遊記》可以拍到衝出國際！講緊咩？就係影帝郭富城、羅仲謙等演員主演的電影《西遊記之孫悟空三打白骨精》，獲得入圍奧斯卡「最佳電影」及「最佳電影配樂」的初選名單。雖然今年有成336套電影過到門檻殺入奧斯卡初選，比去年多了電影入圍，但能夠入到圍同其他大片對撼，都已經好值得高興，發夢都估唔到。

經過初選之後，奧斯卡主辦單位將會在1月初再宣布9強。雖然如此，但《西遊記》主角郭富城已經開心到飛起，他表示：「好開心！對於整個劇組嚟講，呢個係好大鼓勵，證明用心做好作品係重要嘅。我哋師徒4人以及導演鄭保瑞團隊，而家喺台灣努力拍緊第3集《西遊記：女兒國》，彼此士氣好好！希望觀眾會繼續支持！」忙於在台灣開拍《西遊記：女兒國》的導演鄭保瑞就話：「多謝鼓勵！會加倍努力！」