無綫主播報天氣連環蝦碌 最低變「醉雞」聲都震埋

撰文:
最後更新日期:

楊家駿應該首次做live,食螺絲,講錯嘢,希望大家笑完都繼續支持佢啦。

新聞主播給人感覺專業,咬字要清楚。所以主播一講錯說話,就容易成為笑點,昨晚無綫晚間新聞,就不幸輪到記者楊家駿「甩轆」了,他昨晚在尖沙咀海旁交待未來數日天氣狀況,眾所週知,這幾天氣温急降,大家都好想知幾多度,可能太過萬眾期待,令楊家駿好緊張,竟然將「最高氣温」讀成「醉雞」,楊家駿都知出事了,之後還拿出手機睇「貓紙」,最爆笑是幕後工作人員的笑聲同步出街,有不少網民都覺得「醉雞氣温」好笑,但又擔心楊家駿的從此消失,亦有人好同情他這次食螺絲。

而前主播葉昇瓚,就覺得這位小師弟太緊張先有失誤,他說:「我諗佢第一次做live,就太緊張啦,至於用手機睇稿,其實我見依家好多台都可以用手機㗎喇,尤其法庭外做live,因為睇到最新update,大家俾啲支持佢啦,做live係好大壓力㗎。」觀眾當然俾機會,係怕大台唔俾啫!

最後要睇電話提場,更錄到幕後的笑聲。

前無綫主播葉昇瓚,有男神主播稱號,連他表示做live壓力不輕。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。