同龐景峰朝夕相對練武 女友監場吸到實 鄧月平：講真我都驚㗎！
撰文：吳子生
出版：更新：
龐景峰女友Hailey(左一）亦有現身到場支持。（陳順禎攝）
歌手龐景峰（Andrew)今日（17/5）現身銅鑼灣為全新廣東歌曲《你我情在Bittersweet Homekong》舉行首播會，好友鄧月平亦到場支持。Andrew表示：「其實今次嘅創作，主要係講日常生活嗰種愛，而唔係講男女之間嘅嗰種愛，咁所以呢首歌我係特別送畀香港，好希望佢會接收我呢封情書。嚟近我會出五首新歌，Larine(鄧月平）會為另一首歌擔任MV女主角。」
鄧月平為龐景峰另一首新歌擔任MV女主角。（陳順禎攝）
被問到經常同Larine練武朝夕相對，會否冷落女友Hailey ?旁邊Larine即時幫口說：「其實我同佢一齊練武嘅時候，佢都會喺度監場，不過我就冇壓力嘅，好彩我同佢未識之前，同佢女友Hailey有一個共同朋友，即刻個心淡定咗啲先，話晒我身家性命財產喺阿峰爺度，點唔能夠主動同阿嫂打聲招呼先呢，講真我都驚㗎！」Andrew笑言：「唔好再講，佢望住！」
龐景峰透露女友Hailey任職護士，個性比較害羞。（陳順禎攝）