伙記辦大事｜鄭子誠車廂迷姦賴慰玲晒演技：老婆睇完話尷尬！
撰文：吳子生
出版：更新：
鄭子誠在劇中演大反派霍晉成，演技備受視迷激讚。（陳順禎攝）
鄭子誠今日（18/5）現身將軍澳電視城出席無綫劇集《伙記辦大事》宣傳活動。提到在劇中所演大反派霍晉成一角，在車廂迷姦賴慰玲一幕，演繹得淋灕盡致，備受網民激讚。子誠表示：「其實大家睇到出街嗰一幕幅度，畀我哋拍嘅遠遠唔成正比。我哋係拍咗成晚，同埋拍咗好多高難度動作。其實拍呢啲戲好尷尬，事前真係要同對手溝通得好清楚，因為只係一線之差，係好容易冒犯對方。（老婆睇完有咩點評？）佢話其實唔想睇，但話又要捧我場，佢睇完睇都話尷尬，仲話希望真正嘅老公唔係咁，哈哈！」
同劇演員大合照。（陳順禎攝）
鄭子誠透露拍車廂迷姦戲拍足成晚。（陳順禎攝）