買7千蚊感冒藥俾老公連肛探計 吳若希：這個是重點！
撰文：林通賢
出版：更新：
吳若希有4個月BB，自從在公開承認後，多了出席公開活動，月中更出席剪綵活動賺奶粉錢。
吳若希係永遠都估佢唔到，失驚無神話分手，轉頭就準備生仔，或者呢種神經刀就係她的吸引之處。今日她又有新搞作了，在私人facebook發相，先讚自己是體貼女友，原來她今日在屈臣氏買了7千蚊感冒發燒用品，包括退熱貼、口罩、維他命、血壓計、肛探體温計。其實為男友Alex買7千蚊感冒葯已好誇張，但吳若希的好友就將重點放在肛探體温計，紛紛在facebook留言，更有人留言問是否肛探準點?吳若希答「聽聞準D喎!」再補留言「一定要肛探喔!」。
之後吳若希還說聖誕沒有收禮物，「雖然我聖誕沒有收到你的禮物，但祝你 Happy belated boxing day my dearest, love u n miss you~」最後還補多句「六種味道的漱口水是怕你生病沒力氣下床又想口氣清新特意買的，而且平時你抽完煙想跟我親親，就不用狂喝水！」如果女友或者老婆買$7000蚊銀包、手機給男友，會覺得理所當然，但吳若希就選擇了買$7000感冒葯作聖誕禮物，相信男友Alex一定成世難忘，有個漫畫化性格的女友，Alex其實每日要點過呢？
吳若希瘦底，但4個月已見肚，現安心養胎和朋友旅行，相當寫意。