蘇韻姿拍劇快過冠軍馮盈盈 開工預咗要捱:冇乜點介意人工

撰文:
最後更新日期:

今年港姐決賽蘇韻姿進入最後階段,雖然只得第四,但就最快有劇拍。

蘇韻姿今次做𡃁模,好在都有前輩幫手教路。

《老表,畢業喇!》今日就去到學校拍攝聖誕派對場面,除了郭晉安、蔡少芬、Babyjohn、林欣彤等為人熟悉的演員外,現場還見到新面孔,就是今屆港姐第四名的蘇韻姿(Andrea)。比起同屆港姐,佢就係最快有劇拍嗰個,今次在《老表3》中飾演𡃁模。

相比冠亞季,第四名的蘇韻姿咁快起跑,除了性格開朗樂觀之外,曾有在加拿大有演藝工作經驗,相信是最大優勢,她坦言:「我參選時有講做過有呢方面嘅工,之後監製就搵我拍。可能係因為咁啦,但我都覺得自己係好彩。」蘇韻姿沒有覺得自己佔盡優勢,因為其他港姐都擁有其他出色技能。

蘇韻姿之前在加拿大為電視劇客串,又曾在電視電影演過相對重要的角色,回到香港加入TVB,要重新開始,會否感到吃力?蘇韻姿態度很積極,表示:「當之前喺加拿大學嘅嘢係基礎,喺香港都同之前學到嘅嘢有overlap,好在有呢啲經驗,如果唔係就無人搵我,所以我無灰心,係開心。」但來到香港工作,待遇上或會比在加拿大有所不同,蘇韻姿形容是「打一份新嘅工」:「我唔會咁比較,個個都係咁㗎啦,冇理由打第一份工就可以搵到好多好多錢,之前我喺加拿大都係有得做就做,冇乜點介意人工,只要有得學嘢,就已經好開心。」蘇韻姿後來講到拍劇時間比較長,幸好她之前經驗打定底,所以都好捱得。

問到是否已簽約TVB,蘇韻姿表示目期還是履行港姐合約。而香港的合約內容及計法都與加拿大不同,所以她都會盡量了解當中細節,完約之後的去向,目前蘇韻姿與公司正在洽談階段。

蘇韻姿坦言在加拿大拍戲,面對的班底是外國台前幕後,走位、拍法都與香港的模式有點不同,所以目前還在適應當中。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。