《創世紀》阿強歸位拍《再創世紀 》 郭晉安:想同蔡少芬再合作

撰文:
最後更新日期:

郭晉安、蔡少芬在2000年合作《創世紀》,早前在深夜重播,不少網民追看,如果明年《再創世紀》又有二人出現就好看了。

聖誕完咗喇,又要返工喇!但對於郭晉安來說,公眾假期又同閒日有咩分別?他最近忙於拍攝《老表,畢業喇!》,今日就要拍攝聖誕派對場面,完全幾乎齊人,但郭晉安就話:「之前聖誕節幾日都係得我一個開工。」不過講到與拍檔蔡少芬,安仔就好開心,因為有蔡少芬就有得準時,有時拍戲拍到會有飛紙仔的情況出現。

過兩日就2017年,TVB接著都會拍好多重頭劇,其中一套就係《再創世紀》,曾經做過《創世紀》的郭晉安直認有劇組搵佢傾檔期:「有搵過下嘅,但好多嘢都未confirm,(會唔會做返阿強?)我都唔知呀,都係好草創的階段。我就冇咩問題,但我都想同蔡少芬再合作下,但我知佢都好忙。」講到劇集陣容,有不少藝人已經離開無綫,但安仔都想原班人馬拍攝:「我明都有啲難度,但始終都係經典,都想重現嘅。」又講到其他當初有在劇集中參與一兩集的馬國明及林峯,「當初佢哋訓練班做過一兩集,馬明雖然年紀都唔細喇,但隔咁多年都獨當一面,可以一齊拍都開心嘅。」另外,同場少不了蔡少芬,剛才講到,有佢嘅場口都會準時收工:「久而久之,有時冇我嘅場口,都會因為我嘅影響,都會準時完成。」她笑言自己都為大家做咗件好事。

安仔就講到如果拍《再創世紀》,都想同蔡少芬合作多次。不過蔡少芬就表示暫時未有劇組人員找她,問到如果有機會,會否參與?她說:「她主要睇有冇時間同劇本,因為都要忙住照顧兩個女同老公。」

《創世紀II天地有情》郭晉安、蔡少芬和古天樂三角關係,為第二輯的主綫。

安仔話如果拍《再創世紀》,希望同Ada合作,因為佢哋曾經都創造過經典。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。