梁芷珮因出身TVB被網民聲討 出千字文:不要抹煞我嘅工作機會

撰文:黃欣華
出版:更新:

憑J2旅遊節目《潮什麼》系列走紅的梁芷珮(Christy)近年接廣告接到無停手,她更多次坦言收入不但未受疫情影響,反而比以前更高!對於近年有不少藝人因來自TVB而被抹煞工作機會,她日前在IG有感而發,更叫大家高抬貴手!

Christy近年成為廣告寵兒!(IG/@imchristyleung)

Christy首次感受大家的喜愛,她稱:「一個普通嘅師奶仔可以儲到十幾萬粉絲,我已經好滿足,好開心,能夠有今日嘅成績,我真係好感恩,我係一個好勤力嘅人,因為我嘅人生唔係為我自己一個人而活,而係為咗屋企三個小朋友。」性格似足鬼妹仔的Christy更稱自己不是來自有錢家庭:「我哋乜嘢工都做過,我做過娛樂記者,空姐,上樓時裝店嘅sales,reception…我老公bartender都做過,之後教golf先開始有穩定啲嘅收入、為咗小朋友可以輕鬆環境讀書,我地用咗一大半嘅糧供佢讀國際學校,生咗二仔後,我哋嘅收入根本唔夠供兩個小朋友讀國際,所以先讀homeschool,好感恩呢幾年可以幫公司拍旅遊節目,多人認識咗,多咗好多KOL嘅工作,收入穩定咗,就可以比到更穩定嘅生活三位小朋友。」

+42

她講道自己每個工作都是有血有汗,所以希望大家高抬貴手:「唔好因為我來自邊到,喺邊間公司做嘢而抹煞我嘅工作機會,我只係一個努力工作,賺錢養大仔女嘅媽媽。」

Christy Keep得好好!(IG/@imchristyleung)