不捨「金城安」拍最後一集有遺憾 周嘉洛:我想拍到《愛回家》完

撰文:林迅景
出版:更新:

無綫(TVB)劇集《痞子殿下》今日(27/05)舉行拜神儀式,事前盛傳劇集由曹永廉「執三攤」取代周嘉洛,不過今日所見周嘉洛依舊還是男主角。

周嘉洛擔正做《痞子殿下》男一。(林迅景攝)

周嘉洛接受《香港01》訪問時,談起首次做男主角的心情,他說:「我冇放大做男主角個定位,個心態係第一次出嚟拍正劇,學習心態,有提住自己唔好畀咁多壓力自己,但係都有好多顧忌,希望喺嚟緊日子放輕鬆自己,表現反而會好啲,因為而家仲摸索緊。」他表示,壓力來自對演技上的突破。

周嘉洛在《愛.回家之開心速遞》飾演「金城安」。(網上圖片)

怕不怕擺脫不了「金城安」的影子?他回答:「曾經有憂慮過,不過我都唔刻意諗點樣唔做『金城安』,因為咁樣會影響到新角色『紀威』本身有嘅特質,經過一輪思考之後都係決定諗點樣做好『紀威』。」

「金城安」暫別《愛.回家之開心速遞》。(網上圖片)

周嘉洛暫別了演出近4年的《愛.回家之開心速遞》,他表示十分不捨。他說:「第1255集《再見金城安》就係最後一集,返去嘅話要睇進度,不過都係要睇公司安排,因為暫時方向就係離開咗劇組先,拍完正劇再入返去,不過始終講唔埋,我都答唔實。我自己就當然想入返去啦,要有始有終感覺好啲,拍到《愛回家》完係一個好開心嘅記錄嚟。」

周嘉洛不捨「金城安」,想拍到最後一集。(網上圖片)

他續說:「我嗰時開完最後一日工,嚟到12廠練舞,嗰一日心情都相當沉重,但係沉重都要過去,因為即將有新挑戰,所以都冇太多時間畀自己沉喺個情緒當中。(有冇男兒淚?)男兒淚就冇,但係拍最後一集反而喊唔出,所以呢樣嘢係一個遺憾,我希望將來面對喊戲都可以收放自如。」

點擊睇劇中靚女演員:

+42
發表評論...