聲夢傳奇︱炎明熹人氣最高被視為奪冠大熱︰冇信心不如唔好上台

撰文:陳芷穎
出版:更新:

無綫(TVB)音樂真人騷《聲夢傳奇》進入白熱化階段,最後十強正式誕生。今日(29/5),一眾學員齊集商場出席宣傳活動並即席獻唱,吸引過百名粉絲現身撐場。大熱炎明熹(Gigi)一出場即贏得全場歡呼聲,她接受《香港01》訪問時表示粉絲的支持令她變得安心:「一開頭幻想係有壓力,但現場聽到咁多歡呼係令個心定落嚟,同埋想表現得好啲。」

大熱炎明熹(Gigi)一出場即贏得全場歡呼聲。(葉志明攝)

Gigi被十強學員即場投選為奪冠大熱,她坦言有壓力不過亦絕不讓步:「會有壓力,但係希望自己做得好啲,唔好讓步畀佢哋。佢哋見我唔讓步應該會覺得開心,即係唔會令佢哋覺得『好似睇少我哋咁』。(對自己好有信心?)係,而家呢個階段冇信心不如唔好上台。」不少網民大讚Gigi有「巨肺」G.E.M.的影子,她說非常榮幸全因G.E.M.一直是她的榜樣:「阿G.E.M.前輩係我想學習的對象,比賽都會選擇佢嘅歌。佢好犀利,唱高音、低音,好巨肺所以我想學習佢。大家覺得我係下一個阿G.E.M.,我覺得好榮幸。」

無綫(TVB)音樂真人騷《聲夢傳奇》進入白熱化階段,最後十強正式誕生。(葉志明攝)

「校長」譚詠麟日前公開力讚Gigi有壓台感,她直言有留意而家人對此亦表示非常開心:「我屋企人太鍾意譚詠麟先生,所以佢有咩動態就即刻Send畀我,佢哋(家人)見到呢個訊息都好開心。我唔知自己有壓台感,屋企人Send譚詠麟先生段說話畀我睇,我先知原來我有咁嘅能力,所以要繼續加油。」

不過譚校長亦有「樂壇明燈」之稱,Gigi直言沒有擔心亦不相信有這回事:「我唔相信呢件事,都有聽朋友講過,但我覺得俾一個前輩讚係好開心。而家件事都未發生,同埋我都唔相信,所以係會冇事。」

點撃睇更多活動照片:

+13
發表評論...