傳獲富豪炮製人造雪景取芳心　李佳芯：唔係報道中咁浪漫！

李佳芯（Ali）今晚（29/5）現身將軍澳電視廣播城亮相無綫（TVB）慈善籌款節目《萬眾同心公益金》直播。提到早前有指她被富豪力追，對方為求得到芳心，更出動人造雪機製造浪漫，Ali就此接受《香港01》訪問時說：「其實我諗報道所寫嘅我係知邊個嚟，而呢個人只係我傾生意上嘅伙伴，而我私底下係冇參加過任何Party，亦都冇去過佢屋企或任何聚會，而我同佢每次見面都只係傾公事，咁所以唔係報道中咁浪漫。（真係有雪景呢樣嘢？）佢公司喺有呢部雪機，佢係開過一次畀我睇嘅，而我仲素顏自拍咗張相，但就畀人聯想到我喺佢屋企開Party，但其實我係冇參加過任何Party。」